日本 Magicool (免提)風扇

初初出既時候晌百老匯見過佢, 覺得唔錯, 但因為價錢幾貴, 同埋我已經有幾把手提風扇, 所以就無入手

記得上個夏天常常都會帶風扇出街, 今年夏天雖然好熱, 但一直都無再拎出街用, 因為個差電 short short 地, 明明差左都會無電, 有把就唔見左個電蓋, 同埋而家出街一邊手拖囝, 一邊手拎野, 根本就唔會再有手可以拎風扇~ 而家出街盡可能咩細個D既袋, 帶小D野輕便D, 所以多數都無位可以袋埋把風扇~ 同埋之前睇過D 風扇差電爆炸定唔知咩新聞, 有D 擔心, 都係想搵把安全D既

但實在非常非常的熱, 有時等車都好想可以有小小空氣流通下, 有小小涼風吹下, 於是我又記起它~ 晌日本搵到, 價格合理, 入手~ 用過後覺得應該一早買啦~ 方便同美觀好多!

首先介紹下呢把 Magicool 風扇有咩特別先, 除左外形靚之外, 最吸引我既地方就係可以掛頸, 唔洗拎住, 同埋好輕巧, 細部, 夠涼, 又薄, 夠靜