Yoho Mall Rainbow Beach
通知了今早九點會停電, 真係一搭正九點就左冷氣, 勁過鬧鐘, 一熄即醒之後當然訓唔到啦~ 好彩祖晞吹住風扇繼續訓到10點幾先醒, 跟住就有番電啦~ 玩完一輪出去Yoho Mall 食晏, 醒起今日好似有新野玩, 所以就順便過去望下~
搭車果時同祖晞講, 陣間食完野去玩彩色沙
祖晞: 係咪上次你記錯左日子果度呀?
我 (心諗咁都記得): 係呀, 應該今日開
祖晞: 我記得, 你比過相我睇呀~ 點解你上次會記錯日子既?
我…………無言…………. 睇錯左…………一個月前………… 哈哈~
去到門口見到呢個傳聲管已經好 high
可能因為第一日開同下午太陽高高掛既時候, 去到無乜人, 只有一兩個人在玩~
千秋是免費的~ 祖晞話要扮訓覺
後面果個盒係借雨褸同水鞋既地方, 只要 like Yoho Mall facebook 就可以咯~ 雨褸同水鞋都係全新的呢~
換好衫就可以玩水啦~
玩得超開心呢~ 咁熱都唔怕, 夠晒涼爽, 只要有人玩中間果千秋, 就會有水倒落黎, 超high呢!
正當小朋友們玩得很高興既時候, 有職員走黎話唔可以玩水, 只可以玩流水千秋, 但要 140cm 才可以玩…………… 咁唔知呢D細size雨褸水鞋係用黎做乜既呢? 然後一直都無人玩了….
晌頭先個房仔度換好衫, 再到室內抖下冷氣~
就見到呢個鯨魚船啦~ 一樣是免費的~ 細的要120cm 才能玩, 大的可以大人一起玩, 因為踩單車咁, 太細唔夠腳長根本無法玩~ 只有兩架"船", 每次玩五分鍾, 所以只有要10個人以上就已經要等半小時了! 假日應該會好多人~ 沒有耐性這個應該很難玩到了~
小朋友享受, 大人出力踩呀踩………
玩完鯨魚船就去發去玩彩色沙啦~ 一樣是免費, 每次20人, 多人既話限時玩五分鐘, 我地去時只有3-4個人, 不用等也沒限時, 除鞋就玩得, 但不要混埋唔同顏色既沙喔! 要自備工具, 我們沒有, 玩左一陣就走了, 下次帶埋工具再黎~
彩色沙池對面, 另有一個水池可以渣船仔 (忘了影相), 一樣是沒有玩人, 但呢個要電子消費 $300 換遊戲卷才可以玩~ 真是一個好理由讓祖晞乖乖的陪我 shopping!
電子消費後記得拎單去鯨魚船旁既客服換遊戲卷喔, 否則又要白行一趟~
最終祖晞選擇了另一個要消費$300以上的遊戲, 就係呢個彈彈床加滑梯, 呢個要著襪先玩得架~
限時五分鐘, 最多六人玩, 一樣是沒有人所以包場, 也沒有限時, 可以跳個飽~ 不過真的有點迷你, 六人玩應該會好多踫撞
玩左幾小時後開始腳軟了, 玩埋吹泡泡就回家了~
13-14, 20-21/8 重有市集同手作可以參加, 有興趣既朋友不妨去玩下呀~
暑假成日帶祖晞周圍去, 希望可以好好記錄, 給大家參考~
喜歡篇文章的請按一下: “喜歡" 比D鼓勵我啦~
Tracy 芳療手作坊 