我一直對祖晞都是採用放任和說教既管教方法, 希望讓他明瞭前因後果, 而讓他自行去決定, 一般不會大罵, 多數會以反問, 或說道理既方法, 令他接受自己做錯了, 下次就不會受再犯
也許因為我是 FTM, 所以我可以有好多時間同祖晞相處, 從而慢慢磨合下, 祖晞的情緒好小失控或亂發脾氣, 好多時我會由祖晞自己做決定, 也不會催促他, 說他去做自己想做的事。
意外發生後, 晌屋企休養, 請家人代為照顧祖晞, 但他的情緒變差了, 好易炆, 大喊, 然後直至找到我解決事情後才能平伏。初時我以為是家人太寵佢, 所以他就放肆了, 經過了解後, 我發覺得家人經常打斷祖晞說話, 無視他的提意, 在他集中玩耍時打擾他, 不停給予意見等, 對於執著性格的祖晞來說, 是一個困擾, 正如你 (大人) 集中畫畫, 突然有人晌你既作品上亂畫, 又或者當你睇緊電視, 晌沒有通知下突然熄左你個電視, 我諗你也會發火吧?
今次我最想講既一個問題係, 家人經常都會叫祖晞: 快D 啦~ 快D沖涼啦, 快D食飯啦, 快D做功課, 快D訓覺, 乜都快D快D快D, 重要係無限重覆, 就算唔係叫我, 我聽到都覺得煩躁。
對於一個還未夠四歲的小朋友黎講, 快D啦係唔會令佢真係動作快D, 不斷既催促只會影晌大家既心情, 同埋要明白, 有時唔係佢地想快就可以快到, 始終協調能力未係好好, 迫到佢咁緊張, 又有咩用呢?
例子:
(1) 祖晞番下午班, 一般在家食過午飯才上學, 平常我會預早D時間食飯, 預左時間佢會整下呢樣, 講下果樣先能食完飯出到門口, 做每樣野都預早D時間, 大人不用著急遲到, 小朋友也不會有壓力
晌佢食飯時不停叫: 食快D啦, 遲到啦, 無限 loop, 換著係你自己又會覺得點呢? 講多幾次, 小朋友會唔會真係食得快D呢?
我會用一D 祖晞有感覺, 有反應既說話, 鼓勵佢食快D: 今日想唔想第一個番學? / 不如我地比賽食飯
(2) 昨天祖晞不肯沖涼, 放學回來直接找我, 我跟他傾好了, 他準備去沖涼既時候, 門外就傳來:
快D沖涼啦, 快D黎啦, 快D啦~ (其實當下佢已經慢慢的一邊推車, 一邊準備進入浴室) 我也不明白為什麼要這樣催促….. 也許因為我也是個不喜歡被催促和打亂計劃的人
(3) 收拾玩具: 當佢玩玩下, 突然叫佢收玩具, 佢實爆喊啦~ 比一D緩衝既時間, 一D心理準備不是更好嘛? 我地今次玩30分鐘啦~ 到了20分鐘時提下佢, 10分鐘又提下, 5分鐘又提下, 有時未夠鐘佢已經開始收拾了~
其實小朋友都不喜歡被催促的, 早前三催四請都不肯收拾玩具訓覺, 當天我身體不適, 一早已攤左上床了~ 老公叫左祖晞好多次快D執野, 佢都無理, 然後突然喊住同我講: 爸爸係咁叫我快D呀!
即使他最初沒回應, 但他其實也是聽見的, 把生活的節奏調慢一點, 跟小朋友同步也不錯的喔
大人內心多著急, 也請忍住不要常說出沒有幫助的催促說話~
多點溝通, 多點觀察同同理心, 在一個大家愉快既環境下陪著小朋友成長吧!
喜歡篇文章的請按一下: “喜歡" 比D鼓勵我啦~
Tracy 芳療手作坊 