發燒 (精油舒緩法) 祖晞一向身體算強壯, 很小病痛, 最多也是幾聲咳同鼻水, 多數都是靠自己身體打仗而好番 (Touchwood!!) 但每次發燒我都會變得十分神經質, 緊張又擔心, 因為佢試過兩次因高燒 (39度) 而抽筋入院~
發燒其實不是件可怕的事, 因為身體要發熱才能打低病菌, 燒個一晚半晚不是個什麼的大問題, 由祖晞出世我就係咁諗, 也覺得不必要動不動就食退燒藥, 勉強的退燒對身體也不會是件好事, 但自從有一次因出玫瑰疹突然高燒而抽筋, 真的嚇到我半死了~ 那一次係我跟老公一齊去睇CN BLUE 演唱 會, 本打算第一次放手讓他跟62 99 過夜, 怎知道我們出門不久便開始發燒, 到我們回程在巴土上接到電話說他抽筋, 我真的有嚇到暈低既感覺, 是真的, 不是說笑, 太可怕了~
在醫院醫生說退燒藥其實也只能退到0.5-1度, 也不能密密食, 退熱貼也不要用, 因為冷郤了毛孔不能散熱, 最有效的還是浸浴和用暖水抹身, 加速血液循環, 擴張毛孔才能散熱, 散到熱才能退燒
自從那一次, 只要他開始發熱我就會坐立不安, 但又不能一燒就食退燒藥, 而且好多時食了身體仍然好熱度致不能入睡, 所以我會著重於幫助他感覺舒服一點, 好好入眠, 讓身體努力作戰, 同時也看了很多發燒相關資訊, 六歲以下小童因發燒抽筋很普遍, 只要時間不長和即時處理恰當, 其實沒什麼不問題的~ 雖然這樣還好緊張……
早幾天他又開始發熱, 又係時候當通宵班, 以下是我用以舒緩發熱不適既方法, 給大家參考一下
日間基本上沒什麼問題, 精神活動力都很好, 只係個人熱了點和胃口差了點, 補充水份是最重要的, 多飲水, 或流質既野, 一向有飲開杞子汁, 呢個時候可以比平常多飲幾包
晚上一般會越燒越高, 不用著太多衣服, 會阻礙散熱 (是真的呀, 上一次抽筋睇急症, 是冬天, 好凍果時, 醫院姑娘叫我地除晒佢D衫, 用溫水抹身, 這樣才有效的, 不過當然一般發燒時不用除晒衫, 只係著小D就可以啦~)
浸浴可以幫助降溫, 加速血液循環
用海鹽, 鎂鹽或粉紅鹽都可以
可以加入精油, 放鬆D, 效果好D
Lemon / Lavender 是我最常用作浸浴的~
身體太熱太熱時, 一定很難入睡, 可以 Diffuse 一D 令人放鬆, 容易入睡既精油如 Lavender
發熱時一般很難一覺訓天光, 我會放一個 Aroma stone 晌床頭, 加入幾滴 Lavender, 每次祖晞醒左既時候, 就放晌比較近佢位置, 等佢聞到D 味, 放鬆D, 慢慢再次入睡~
Aroma stone 其實好方便, 味道持久, 放晌床頭又唔怕有水會打瀉, 又唔洗插電, 味道是淡淡的, 不會過濃, 使用也好方便
也可以 Diffuse 一D令空氣潔淨D既, 如 Thieves / 綠花白千層
唔舒服好多時訓覺都會鼻塞塞, 我會用RC 點小小晌鼻翼, 也可以按住上下郁, 有助通鼻
有時一訓低就喉嚨痕, 稀釋 Frankincense 塗於喉嚨和心口, 也能支援
頭太熱, 手腳冰冷, 是很難降溫的, 可以用溫和水抹身, 但祖晞很討厭抹身, 而且水好快就凍, 要不停換水, 所以我會用按摩來代替, 用植物油輕輕按摩四肢
加入薑油一起按摩, 效果更快更好, 只要按摩到手腳開始熱就可以停
除了手腳要暖才能降溫外, 身體背部 (肺熱), 腋下要保持清涼, 才可以將頭部的熱力散到腳底, 可以用以下精油加植物油按摩 / 塗抹在脊椎位置
因為我主要想令佢舒服D可以訓到覺, 而不是急於退熱, 用花水浸濕紗巾, 輕輕印下, 抹下背部和腋下效果也很好
多飲水和補充益生菌, 發燒係一種炎症, 益生菌可以平衡發炎反應, 可促進腸道黏膜產生抗發炎激素, 對退燒有幫助
另也可服用Elderberry 和 Echinacea 以增強身體既自癒能力
生病還是去看醫生, 藥物準備好以作必要時之用, 確實病情再配合自然既方法, 幫身體打仗!
以上是我個人用法分享, 只供參考, 實際應用請參考品牌說明和個人需要~
購買精油
(10月份有九折優惠, 還有會員指南同日本精油擴香頸鍊贈送喔)
喜歡篇文章的請按一下: “喜歡" 比D鼓勵我啦~
Tracy 芳療手作坊 