
文章是上年發佈在 oilbible 內, 最近好多人問點整蚊磚, 所以搬過來再分享
最近屋企多左好多蚊飛入黎, 係時候要整番D 蚊磚防一防蚊~
做蚊磚既方法非常簡單, 而且除了防蚊外, 同一做法, 換不同既精油, 就會做成香磚咯~
使用方法: 掛晌窗邊, 廁所, 大門, 汽車, BB車, 床邊等以作防蚊之用, 用到無味時用刀摑除表面即可繼續使用~
另可改用不同精油, 作為香磚使用, 以下參考
衣櫃: 薰衣草精油 (驅蟲)
廁所: 淨化精油 (除味, 防蚊)
鞋櫃: 茶樹精油 (抗菌)
材料: 蜜蠟 (我用左香磚蠟, 成本低D, 完成品會是白色的), 硬脂酸 (完成品會實淨D同耐潮一點), 精油 (我今次用了薄荷, 香茅, 檸檬香茅)
也可以全用蜜蠟取代
工具: 燒杯, 攪伴棒, 矽膠模, 電磁爐, 紗袋
以下份量可以做到4-5 粒蚊磚, 大小約 4.5 x 4.5 x 2cm
首圖星星果粒最大, 約6x6x2cm
50g 香磚蠟 + 50g 硬脂酸


隔水加熱, 攪伴至溶化

略為降溫後加入精油 60-80 滴 (太熱加精油會揮發左, 淡味D, 如果太涼加就會凝固, 攪唔到, 所以要注意溫度)
攪混後倒入模具放涼
凝固後會變成白色, 硬身, 就完成咯~
放入紗袋就可以使用~

Tracy 翠絲愛分享
請訂閱我的頻道, 不定期會更新育兒, 開箱文, DIY 教學等等, 記得按下鐘仔, 有新片會自動收到通知喔~
用不同模具做出不同感覺的香磚


發表者:芳療手作坊
Tracy 芳療手作坊
因認識了芳療後身心靈得到很大的改善,於是努力學習和鑽研,希望可以把天然精油帶上到每一個家庭,讓我們的下一代擁有身心靈健康的環境。
久不久便會到日本台灣韓國進修手工藝,跟不同導師學習,每個國家/協會也有獨特既材料和教學模式,每次都學識好多野! 因為我喜歡個人化,所以好小教協會既課程,我會把學到的技巧,加上自己既創作同想法,從而組成新的課程! 期待你們來上課,好好輕鬆下,減下壓喔!
每個課程推出前也會經過無限次既試驗,從中找出最簡易,成功率最高的教學方法,讓新手們第一次上堂也能親手完成!
我們是持有商業登記的公司喔~
個人化禮品 | 香薰精油 | 滴膠 | 花藝 | 品牌合作 | 團體工作坊 | 婚宴 | 蠟燭
觀看 芳療手作坊 的所有文章