Youtube (Vlog)

(育兒心聲) 開心相片/影片的背後

CIMG2228

(育兒心聲) 開心相片/影片的背後

(親子好去處) 暴風雨特輯 / 暑假好去處 / 北極光

之前拍左條片, 睇落都好開心, 好輕鬆, 成日有人話, 你就好啦, 可以唔洗早起身, 又可以成日周圍去玩, 但其實帶小朋友出街, 會有好多狀況, 情緒同精神一直都處於緊張狀態中, 不是你想像中咁容易同咁簡單~ 等我話你知, 平時你看到別人開心育兒的影片 / 相片的背後啦~ 在小朋友各式各樣既問題發生時, 無可能影相影片記低話你知, 但唔代表我地湊囝係一份優差~

以今次呢條片為例, 由出門口起計, 屋企果D 麻煩野都唔提住~

由於我住得遠, 去邊都要搭程車先去到巴士 / 西鐡站, 不過成日出出入入, 都習慣, 但撞正超大太陽 / 勁大雨既時候, 都會覺得辛苦, 只想拿拿聲行到去車站上車, 今次幸好有家人車我地去車站, 好快就搭左專車去到西鐡站~

平時祖晞都跟我搭慣車, 無乜太大問題, 但久不久就會有意想不到的狀況~~

去到車站, 剛走車, 要等四分鐘, 祖晞看到顯示牌, 8分鐘後有八卡車, 就不停話要等八卡車, 解釋解釋再解釋, 車到了, 多人, 無位, 佢就繼續話要等八卡車, 然後又要解釋, 再分散注意, 但過一陣又重覆點解頭先無等八卡車………. 其實我唔想理佢, 想由佢講, 但附近既人已經成日眼望望, 攪到我好大壓力, 唯有繼續忍住度氣, 再用盡方法去令佢接受 (忘記) 搭八卡車既事~ 幸好花了兩個車站的時間, 終於平伏了~

去到食飯, 試住食咖哩飯, 但為左就祖晞, 佢想食蛋, 叫左個奄列蛋飯, 外加一個墨魚丸, 點知個奄列蛋飯就真係只有奄列蛋 + + 咖哩汁, 比晒D蛋祖晞, 我就食咖哩汁飯, 點知比果個人呃左, 又話好小辣, 但其實好 X , 都無法, 食得幾多都幾多, 好過捱餓~ 同小朋友出街食乜都要就佢, 因為佢食唔晒一個餐, 叫兩個餐的話我即係要係一個半餐, 貴之餘我又無咁大食

食飽左諗住去睇下泳衣, 睇唔夠十秒就係咁問我睇完未, 一係就一邊睇衫, 一邊又要睇下佢有無攪攪震, 都無咩心機睇, 望幾下走人~

見時間重早, 就去星光花園行下, 反正近又未去過~ 出到室外初頭小小雨, 點知去到星光花園, 暴風雨!! 祖晞好high 好開心, 著晒雨褸由佢玩, 只係叫佢小心對鞋, 唔好踩水~ 當然, 無可能啦~ 越踩越high, 我就一邊晌度諗陣間去太空館凍親點算, 重有無時間去買衫? 邊度有得買? 星光花園查實有乜我都唔係好知~

CIMG2225

玩完一輪, 又等左一輪都好大雨, 咁唯有行番落西鐵站, 睇下有冇衫可以買, 行到去, 又係濕晒, 褲鞋袋乜都濕晒, 祖晞又開始話覺得凍, 拿拿聲同佢抹下身, 著風褸, 搵吹風機吹下對鞋, 攪完一輪, 又行左一輪, 無買到衫換, 差不多夠鐘又要出番室外, 仍然好大雨既情況下行去太空館, 去到已經差不多開場, 即刻又同佢除雨褸, 抹身, 著風褸, 再去拎飛, 排隊去廁所, 剛剛好趕到入場, 除左對鞋同襪, 比埋我件外套佢蓋腳, 準備開場~ 雖然我都覺得凍凍地 (我著左背心) 但都無計~ 我病好過佢病啦~ 本黎好期待睇北極光, 之前想睇幾次都買唔到飛, 今次特登預早買飛黎睇, 點知…… 攰到訓左半集…….

CIMG2230

睇完後, 對襪太濕, 叫祖晞就咁著番對鞋, 點知佢死都唔肯, 又爭論了好一回兒~ 終於著番對鞋, 又要出番室外, 更大的雨!! 本黎諗住番屋企, 點知祖晞又話好肚餓, 餓得好緊張, 咁就去左Isquare 睇衫順便食野, 最終買到褲換, 鞋就真係睇唔啱, 雖然係濕, 但也沒法~

心一邊想快D 食完, 晌放工時間前離開, 但當時已經 5:30, 想急也急不來~ 我其實都好肚餓, 於是晌 Panash 叫左兩個下午茶, 我果個好快食完, 叫左杯橙汁比祖晞, 點知佢話飲水得, 唔要橙汁, 但我已經有一杯檸茶, 飲唔到兩杯野, 今次我有帶水樽, 可以帶走~ 佢個餐食左雪糕, 幾啖 pancake 就話好飽, 唔緊要, 我可以食埋, 點知晌我食左幾啖後, 佢話要去大便!!!!!!!!!!!!!!!!!!!! 好急果隻……. 唯有埋單走人跑去廁所……………. $200 的下午茶呀!!!!!!!!!!!! (想哭)

CIMG2234

去到呢一刻我真的已筋疲力盡, 離回家還有一段路, 好彩西鐡有位坐, 祖晞都無再失常, 平常無論點, 我都會搭專車番屋企, 但今次實在身心俱疲, 也太大雨, 最終晌元朗搭的士回家~

回家…. 不等於休息…. 還要整理剛才濕晒的衣服, 袋入面D野都全濕, 整理一輪, 再幫祖晞沖涼, 然後終於到我沖個快涼, 跟住食飯 (好彩屋企人已準備晚飯!) 食完飯才有小小時間, 睇番當天的whatsapp, 整理晾乾回來的衣物, 吸塵等等好多鎖碎事, 之後已經又到了祖晞訓覺時間, 但他又不想訓, 拉鋸了一小時, 最終11點才入睡~ 終於到我的自由時間, 本想起床工作, 但實在太太太累 (可能因為連續外出夜歸了第六天的關係) 隨即睡著了!!

一整天就是在沒有自己的時間中渡過~ 雖然辛苦, 但我已習慣了經常跟祖晞一起的日子, 只要他快樂, 攰一點也不是問題~

我只是想說, 育兒的工作一點都不輕鬆, 只是辛苦得黎開心就是了!!


Please Like and Follow our Facebook / Instagram / Youtube channel

cropped-bannermay2017.png

instagram

YouTube-logo-full_color

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s