祖晞由我地去完郵輪番黎後, 都唔肯番學, 又出現D小動作, 明顯是心裡不快樂, 經過不斷咁開解, 傾計, 老師既幫忙, 擦油, 慢慢幫佢解開心結, 呢幾日番學雖然都不願意, 但終於都無喊!!
今日去少年軍, 帶祖晞去 Tomica 期間限定餐廳試下, 等佢開心下~
餐牌好精美
D野食個樣都好靚呀…. 影得~
有D 失望既係完全無紀念品可以帶走, 那怕是一張咭仔或什麼都好, 感覺都會好D, 但真的沒有, 餐盒不能帶走都唔緊要, 但乜晒色咁… 真係有D那個吧~
不過祖晞心情就靚靚啦~ 雖然個餐唔太啱佢胃口, 只係食晒D 薯格, 包同D丸, 其他都無食!
普通午餐反而抵食D又好味D
午餐有沙律同湯, 個沙律出奇地好食
午餐幾好味, 只是味精可能有點重, 飲完口乾左成日!
原先加左錢食甜品, 我地竟然唔記得左食, 而職員也沒有主動給我…. 那就白付了!!
本黎諗住帶祖晞去玩下, 周圍行下發覺時間都不早, 而我又拎住重野, 於是改變行程, 去市鎮公園行下, 點知兒童設施重未開番, 我對上一次黎好似係冬天… 都已經封左, 到而家重未整好, 到底整乜架? 成個市鎮公園嘈到不得了, 好多帶有鄉音既人晌度唱歌, 開晒咪同音響果種, 重有好多阿伯啦, 衣著性感既鄉音人仕啦, 完全變左唔係一個親子優閒既地方呢~
最終晌屋村有一個好細公園, 祖晞都覺得好好玩, 玩了大半小時, 天都快黑了~
晌 Yoho 食完晚飯, 見到有個巴士 pop up store 幾有趣
人唔多, 影相都係等1-2個人
呢個 size 既巴士真係好得意
重有唔同款既巴士可以購買, 但我對巴士沒太大興趣, 過百蚊買一架車仔比祖晞粗玩, 不太值得~ 只買了這個巴士造型盒仔, 可以裝野, D車 look又真係可以郁得, 都幾靚
買野送左巴士接紙
同免費玩一次小遊戲
玩完送左一本 memo pad
另有一個 VR 遊戲, 不過唔知點先可以玩
影下相都幾靚呀~
活動至到 Nov-7, 住附近朋友仔不妨去睇下, 影下相呀~
上車已經急不及待要完成架巴士了~
Tracy 芳療手作坊 