我自己對食沒太大要求, 最緊要係坐得舒服, 適合帶小朋友, 價錢又實惠既餐廳就最岩我~
今次介紹一下呢間位於 D.Park 入面既親子餐廳: 熊小館
D.Park 係一個放假經常去既地方, 一來交通方便, 晌元朗搭68M幾個字就到達 D.Park 門口, 地方夠晒大, 而且非常岩小朋友去玩, 有好多大大小小免費既遊玩設施, 即使係假日都唔會超多人, 迫到行唔到既狀態, 啱晒我呢D 最怕多人既人啦~
講番正題先, 今次介紹呢間親子餐廳: 熊小館
- 地點: L2, 2029
忙著食飯同傾計, 去左兩次都唔記得影相…. 重要係連續去左兩日, 哈哈~
兩日都係新年學校假期時候去, 唔多人, 唔洗等位, 有卡位, 門口有好多熊仔同好多書, 可以比小朋友晌等位, 又或者等野食時睇, 選擇非常多~
分別食過佢地既下午茶同晚餐, 價錢合理, 選擇又多最重要份量夠之餘重要好味~
下午茶果日顧住傾計, 一張相都無…… 優點就係可以食完野任坐, 任好耐都無人理你~ 呢點非常好~
晚餐果日因為我地租左車仔, 放晌門外怕比人拎左 (車仔實在太吸引, 每次泊低都會有好多小朋友坐上去玩, 坐唔緊要, 最怕被推走… 要比按金 $500 大元架!) 所以我地坐左近門口, 可以望到架車仔既地方, 而祖晞就可以同 bear bear 一齊食飯~ 小人表示好開心~
另一邊都企左隻好大既 bear bear 晌度
兒童餐有三個款, 呢個係最丰富, 份量適中, 祖晞可以一個人差不多食晒成個餐 (佢最鍾意個飯同粟米, 最後食剩既竟然係薯條!) 兒童餐重包括橙汁同雪糕, 一粒熊仔朱古力同幾粒綿花糖, 夠晒滿足
兩日我都食同一個飯…. 無骨雞腿飯, 夠多汁, 我最愛
老公呢個唔記得咩名….. 1號餐, 好大碟, D 飯好高!
每個餐約 $6X 多包括飲品, 算係好抵食~
下次再有好地方啱親子去既再介紹比大家
喜歡篇文章的請按一下: “喜歡" 比D鼓勵我啦~
Tracy 芳療手作坊 