All about kids, Just for Fun, Youtube (Vlog)

(親子好去處) 香港科學館全新兒童天地 Miffy 之拯救海洋 + 抱怨文 >< (影片)

1

星期一襯重係學校假期, 同左祖晞去科學館玩, 順便去拎番之前申請果張家庭門票~

我地去到已經差不多五點 (星期一收七點) 所以一去到就直接上三樓新開的兒童天地玩左先~

人唔算多, 我發覺90%都是男孩子, 哈哈~

祖晞好興奮, 所以一直都跑咁去玩, 乜都玩下摸下睇下

CIMG1307

今次兒童天地以木製玩具同工程部份為主題

每一樣玩意都好有趣, 好新觧, 幾值得去玩下~  太年幼既小朋友今次好似唔係太適合, 因為無左可以爬或者軟身既玩具了~

CIMG1308

抱怨文:

即使人唔算多, 但好多時要玩都等, 等唔緊要, 可以排隊, 最慘既係…… 無隊排, 因為有幾次都係我同祖晞晌度等玩緊果個小朋友玩完既時候, 就有其他小朋友晌中間插隻手埋黎, 有D設施波得一個, 咁比其他人插隊拎左, 想一齊玩都唔得啦~   等完一次又一次, 有時等左三次都未到我地, 真係焗住出聲~

最嚴重係晌工地果度, 我知個個小朋友都好興奮好想玩, 但都有守下規矩先得架~  試過工程入面果度D車仔, 基本上一定有人玩緊, 但你見到最多推住車既係媽媽囉~   媽媽們幫手 “巴" 住架車仔, 但自己個小朋友根本就係玩緊其他野, 咁會唔會自私左D 呀~  

又試過終於見到有車可以推啦, 你玩玩下, 都可以有小朋友晌中間夾硬推走你架車, 重點係…. 你話佢, 佢都無反應, 又無家長一齊, 周圍就見到好多家長坐晒晌出面傾計玩電話~   其實帶小朋友一齊去玩, 唔係應該一齊參與既咩, 全部坐埋一邊乜都唔洗玩既咩~  就算你小朋友已經大個, 可以自己玩都好啦, 咁晌個咁細既地方, 又有D好細個既小朋友, 又推車咁, 係咪都應該留意下呀?

整車果度, 有好多配件可以整落架車度, 又或者拆, 但可惜只有兩枝 “鑼C批", 如果可以整多幾把就好啦, 可以多D小朋友一齊玩~

重有一架有路既車仔, 即使人唔算多都好, 15分鐘內都玩唔到, 原因就係有D小朋友一直玩, 唔肯讓, 就算有人排隊等都話知你, 行完一圈又一圈, 個阿媽望都唔望你, 叫個囝繼續玩~   咁自私都得既~  

正因為唔太多人, 所以玩完一轉可以出番去排隊即刻又入過去玩~  今次一入去就即刻玩左路軌車仔先,  同埋重比上一轉小人, 所以基本上咩都可以玩到, 唔洗爭~  正~

CIMG1316

整個兒童天地唔算大, 所以今次我地只有兩小時但都可以玩晒, 再睇埋 Miffy 個拯救海洋展覽~

CIMG1315

總括黎講都幾好玩, 祖晞話好開心, 好想再去, 但真係要揀無乜人既時候先去!   

CIMG1317

如果去玩既人仕都可以自律的話, 大人小朋友會玩得更開心~

**按下圖觀看影片**

YouTube-logo-full_color  Tracy 翠絲愛分享
請訂閱我的頻道, 不定期會更新育兒, 開箱文, DIY 教學等等, 記得按下鐘仔, 有新片會自動收到通知喔~

1

查詢請電郵我們

 

Name (必填)
Email (必填)
Comment (必填)
送出

 

banner02171

instagram

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s